مێشکێ ساخلەم د لەشێ ساخلەم دایە

ب چاڤدێریا کۆلیژا دەرمانسازی (ب سەرپەرشتیا دکتۆرە سۆزان عومەر) و ب هەماهەنگی دگەل کۆلیژا پەروەردا وەرزشی (دکتۆر زیاد)، و ب پشتەڤانییا دکتۆرە هێڤی محەمەد و دکتۆر فەلاح، و ب ئامادەبوونا هەژمارەکا مامۆستا و قوتابیان، یارییەکا هەڤالینی یا تەپا پێی ل ڕۆژا سێشەمبی ڕێکەفتی ٢٠٢٦/٢/٢٤ د ناڤبەرا قوتابیێن کۆلیژا دەرمانسازی و قوتابیێن کۆلیژا پەروەردا وەرزشی دا هاتە ئەنجامدان. ئەڤ چالاکییە ب هەماهەنگی دگەل ئێکەتیا قوتابیان و ب هەلکەفتا سالڕۆژا دامەزراندنا ئێکەتیا قوتابیان و لاوێن دیموکراتی کوردستان هاتبوو ڕێکخستن.

د یارییا کۆتایی دا، قوتابی (سەرمەد زوبێر عەبدولڕەحمان) ژ قۆناغا چوارێ ب سەر قوتابی (محەمەد ئیبراهیم عەبدوڵڵا) ژ قۆناغا دویێ دا سەرکەفت ب ئەنجامێ سێ گۆڵان بەرامبەر دوو گۆڵان، و ب ڤێ یەکێ بوو قارەمانێ یاریێ.

کۆلیژا دەرمانسازی گەرمترین پیرۆزباهییان ئاراستەی قوتابی (سەرمەد زوبێر) دکەت بۆ ڤی دەستکەفتێ وەرزشی یێ دیار.