پڕۆژەیێن گرنگیێ ددەنە پاراستنا ژینگەهێ ژ پیسبوونێ.
بەشا کیمیایا دەرمانسازی ل کۆلێژا دەرمانسازی، پڕۆژەیێن هەیە کو گرنگیێ ددەنە پاراستنا ژینگەهێ ژ پیسبوونێ. د ڤان پڕۆژان دا، چالاکییێن ئارمانجدار بۆ جێبەجێکرنا کردارێن دووبارە بەکارهێنانێ (Recycle) ب شێوەیەکێ زانستی و داهێنەرانە دهێنە هاندان؛ وەک دروستکرنا مۆدێلێن مۆلیکولی ب دووبارە بەکارهێنانا قاپێن ئاڤا پلاستیکی یێن ژ مادەیا پۆلی‌ئێتیلینێ هاتینە چێکرن، ب سەرپەرشتییا پرۆفیسۆر دانیێل سوزێت پێرسیک و ب پشتەڤانیا مامۆستایا یاریدەدەر دکتۆر سوزان عومەر ڕەسوول، دێکانا کۆلێژا دەرمانسازی، و سەرۆکێ بەشا کیمیایا دەرمانسازی، پرۆفیسۆر دکتۆر سوعد یوسف ئەلقەس.
ل ڕۆژا 10ی کانوونا دووماهییا ساڵا 2024، قوتابیێن پۆلا سێیێ یا کۆلێژا دەرمانسازی چالاکییەک ئەنجام دا و تێدا بەرهەمێن زانستی یێن خۆ پێشکێش کرن، ب بەشدارییا دێکانا کۆلێژێ و سەرۆکێ بەشێ.
ئامانجێن سەرەکی یێن ڤی پڕۆژەی:
- کەمکرنا ڕێژا پاشماوێن پلاستیکی بۆ پاراستنا ژینگەهێ.
- دروستکرنا ئامرازێن فێرکاری.
- هاریکارییا هەندەک قوتابخانە و کۆلێژان د وانەگوتنا بابەتا کیمیایێ دا.
ل داوییا ڤێ چالاکیێ، هەر دوو دکتۆر سوزان، دێکانا کۆلێژێ، و دکتۆر سوعد، سەرۆکێ بەشێ، سپاس و پێزانینێن خۆ بۆ هەوڵێن پرۆفیسۆر دکتۆر دانیێل و قوتابیان د دروستکرنا مۆدێلان دا پێشکێش کرن، و هیڤییا سەرکەفتن و بەرهەمداریا زێدەتر بۆ وان کرن، بۆ خزمەتکرنا وەلاتێ مە یێ خۆشەویست.
ل خوارێ، هەندەک وێنەیێن وەرگرتی دەمێ پێشکێشکرنا مۆدێلان دهێنە نیشاندان.