ل ڕێکەفتی ١٣ێ شواتا ٢٠٢٥ێ، ل کۆلیژا دەرمانسازی ل زانکۆیا دهۆکێ، دکتۆر حوسێن سمینارەک ل ژێر ناڤونیشانێ "سامانێ دەروونی" (Psychological Wealth) پێشکێشکر.

تێگەهێ سامانێ دەروونی ئێکە ژ وان تێگەهێن کو تیشکێ دئێخیتە سەر لایەنێن نە-مادی یێن خۆشگوزارانیێ، یێن کو پشکداریێ د ئاڤاکرنا ژیانەکا تێروەسەل و خودان ئارمانج دا دکەن. ئەڤ سامانە چەندین فاکتەرێن جودا جودا ب خۆ ڤە دگریت کو دبنە ئەگەرێ ب هێزکرنا بارودۆخێن مێشکی، هەستی و ڕوحی یێن مرۆڤی؛ چونکی ل دۆر گەشەپێدانا ژیانەکا ناڤخۆیی یا دەولەمەند، و ب هێزکرنا پەیوەندیێن پۆزەتیڤ، و دیتنا ئارمانج و رامانێ د ئەزموونێن جودا یێن ژیانێ دا دزڤڕیت.

بەروڤاژی سامانێ ماددی، سامانێ دەروونی ب دارایی یان مۆلک و مال ڤە گرێدای نینە، بەلکو ل شوینا وێ تیشکێ دئێخیتە سەر ڕەهەندێن ناڤخۆیی و پەیوەندیان، یێن کو پشکداریێ د ب دەستڤەئینانا ڕازیبوونا گشتی ژ ژیانێ دا دکەن.