دهێتە زانین چاڤدێریکرنا نەخوشیێن هەودانێن دروستکریێن بەرگریێ (IMIDs)، بونمونە هەودانا گەهان (RA)، ئێک ژ کارێن هەره گرنک ژ بەر وان پاشهاتێن لدیڤ خو دهێلیت ل سەر ئاستێ پاسوفیزیوڵوجی (دەردەکارەندامزانی) ومیکانزمێن کولینرجی یێن گرێدای پێڤە هەروەسا پێویستیا تێوەردانا چارەسەریێن هەمەجور. نەخوشییا پشیکان ئێکە ژ نەخوشیێن ڤەگر کو ئەگەرێ جورەکێ مشەخوران پەیدادبیت کو دهێتە زانین وەکی فاکتەرەکێ مەترسیدار ل سەر ڤان جورە نەخوشییان.

ئارمانج: هەلسەنگاندنا رولێ چارەسەریێ لسەر نەخوشێن RA و نەخوشیێن IMIDs یێن دیتر ب رێکا دیارکرنا ئاستێ کارتێکەرێن هەودانان وەک ئینترلوکین- 6(IL-6)، کارتێکەرێ هەلئەوسانا نیکروسی-ئەلفا (TNF-alpha)، و پروتین C یێ کارتێکەر (CRP)، دگەل نیشانێن زیندەیی یێن بارگرانییا ئوکسانی وەک مالوندیالدیهاید (MDA) و بارێ گشتی یێ دژیێ ئوکسانان (TAS)، هەروەسا چالاکییا ئەنزیمێ کولین ئێستەرێز د ناڤ پلازمایێ دا (PChE). هەروەسا ئەڤ ڤەکولینە لێگەریانە لسەر پەیوەندیا نەخوشیا پشیکان ب چالاکیا نەخوشیێ ڤە و چارەسەری لسەر نخوشێن IMIDs دگەل رولێ ڤان چارەسەرییان لسەر دوبارە چالاککرنا نەخوشیا پشیکان یا ڤەشارتی